РОМАНС

Тан вӧлім тэкӧд 
кыкӧн тувсов войӧ,
Дзик ставыс вӧлі гӧгӧр тадз.
Тадз вӧлі тӧлысь 
кельыд югӧр койӧ,
Пу лапъяс костӧд кывтіс надз.

Шуд йылысь
вашкӧдісны веж пу коръяс
Сэн, кӧні ворсіс ышмысь тӧв.
Шуд йылысь
помтӧг мойдісны и шоръяс,
Ми тэкӧд кывзім найӧс чӧв.

Но талун тані 
абу тэ ме дінын,
Ме ӧтнам дзик, и сьӧлӧм нор.
Мем долыд вашкӧдӧм 
оз кыв важ инын,
И мыйкӧ шогӧс мойдӧ шор.

Шуд, кодӧс сиис
тувсов вой мем татӧн,
Тэ сьӧрсьыд нуин курыд кадын.