ЭЖВА ВЫЛЫН

Шонді медбӧръя зарни сі кыӧ, Рытыв вӧняліс гӧрд рӧма шӧвк. Паськыд Эжва выв сяркъялан гыа. Тэнад юрсиӧн вильшасьӧ тӧв. Кылӧд миянӧс, визув ю, кылӧд. Кокни пыжнымӧс лайкйӧдлы, гы. Кыдзи сьылігӧн йӧлӧга кылӧ, Сьӧлӧм кылӧ сідз мӧд сьӧлӧм шы. Волӧ серам шы сиктланьысь тӧлӧн, Кӧнкӧ, кылыштӧ, гудӧк шы эм. Лыддьӧ миянлы кӧк мӧдлапӧлын, Лыддьӧ-тунъялӧ долыд кузь нэм. Кылӧд миянӧс, визув ю, кылӧд. Кокни пыжнымӧс лайкйӧдлы, гы. Кыдзи сьылігӧн йӧлӧга кылӧ, Сьӧлӧм кылӧ сідз мӧд сьӧлӧм шы. Тӧлысь югӧркӧд ми визув шӧрын, Коли ылӧ нин вадорса кыр. Кыдзи сынӧдыс льӧм дзоридз кӧрӧн, Менам сьӧлӧмӧй тэӧн дзик тыр. Кылӧд миянӧс, визув ю, кылӧд. Кокни пыжнымӧс лайкйӧдлы, гы. Кыдзи сьылігӧн йӧлӧга кылӧ, Сьӧлӧм кылӧ сідз мӧд сьӧлӧм шы. Менам вермас кӧ инасьны колӧм, Сиа ме эськӧ дзик ӧтитор, Тайӧ шуда рыт нэм чӧж мед олӧ, Эжва кывтӧм моз некор оз ор. Кылӧд миянӧс, визув ю, кылӧд. Кокни пыжнымӧс лайкйӧдлы, гы. Кыдзи сьылігӧн йӧлӧга кылӧ, Сьӧлӧм кылӧ сідз мӧд сьӧлӧм шы.
Гижысь: 
Гижӧд
Эжва вылын
Жанр: 

lkejrlkelkrgner klrjnelknfrkl ekjnrjkenfrej

1