ИСПАНИЯСА ЁРТЪЯСЛЫ
Мед ылын миянсянь Эспань, Ми сьӧлӧмӧн — кӧн вӧля дорсьӧ, Став мӧвпӧн — тіянкӧд ми орччӧн, Ӧд эг на важӧн «Мир да нянь!» «Став власьт Сӧветлы!» Асьным горзӧ. Кор дорйид вирнаныд Ирун, Кось нуид, кытчӧдз типкис сьӧлӧм, Ми горзім, — Повтӧм ёртъяс, чолӧм! Ӧд асьным тадз жӧ, эз на вун, Ми перйим шудӧн чукъя олӧм. Пыр эскӧй, — косьын шедӧ мез. Ті венсьӧ сідзи, враг мед тӧдіс: Оз ло, мед уджалысь йӧз пӧдіс, Код чужтіс повтӧм Долорес, Код шудлань веськыд туйӧн мӧдіс. Геройство тіян, повтӧмлун Став мирлысь сьӧлӧм ӧзтӧ биӧн. Кад воас, — ӧтув уджлӧн пиян Став лёккӧд панам бӧръя кось, Став лёк вын нэм кежлӧ сэк виам. Сэк кыптас мезмӧм йӧзлӧн юр, Морт увтыртӧм сэк дзикӧдз бырӧ. Шуд пуксяс му вылӧ, мед дырӧн, — Урал, Астурия и Рур Удж шыӧн, гажӧн ӧтмоз тырӧ.
Гижысь: 
Гижӧд
Испанияса ёртъяслы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1