ТРАКТОР
Тувсов асылын сиктысь ме аддзи Войдӧр тӧдлытӧм тшуплӧм туйвизь, — Сиктӧ карса ёрт воӧма, тадзи Сійӧ гижӧма ас йывсьыс висьт. Кӧсйӧ уклад ёрт воймӧм сикт вежны, Вины, нетшкыны гӧльлунлысь вуж, Гӧрны му, оз мед некор нин эжмы, Нявда некор мед муӧ оз чуж. Кӧсйӧ нюжӧдны, паськӧдны йӧръяс, Дзикӧдз вуштыны муяслысь бор, Потшӧс черань вез, воймӧм пу гӧръяс Сиктысь варкӧдны, мукӧд ёг сор. Пӧсьла тіралӧ морӧсас сьӧлӧм, Ыджыд, тыдалӧ, ёртлӧн вын эм. Мунӧ нёровтчӧм керкаяс пӧлӧн, Пасйӧ, помасьӧ кытӧн важ нэм. Уджлысь вына ёрт ловзьӧдӧ гажсӧ. Войдӧр аддзывтӧм бӧрсяыс визь, — Пасйӧ, мыйдта нин венӧма важсӧ, Тшуплӧ туй вылӧ кось йылысь висьт.
Гижысь: 
Гижӧд
Трактор
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1