* * *

Тэ ӧд, сьӧлӧм, ачыд кылан,
Тэ ӧд ачыд бура тӧдан:
Ог весь олӧй кыз му вылын,
Югыд финишлань ми мӧдам.

Ӧтув гажӧн парма олӧ,
Ӧтув могъяс вӧчӧ сійӧ.
Ой тэ, шондібанӧй олӧм,
Зарни кияса Россия!

Ыджыд воккӧд — роч народкӧд
Ӧтырыш ми водзӧ мунам.
Али вензяс ӧні кодкӧ,
Мый век выльмӧ чужан муным?

Али вензяс кодкӧ ӧні,
Мый зэв вылын миян слава?
Вир оз кӧдзав миян сӧнын,
Ӧти думӧн олам ставӧн.

Тэ ӧд, сьӧлӧм, ачыд кылан,
Тэ ӧд ачыд бура тӧдан:
Коммунизмыс абу ылын,
Сэтчӧ мунам ыджыд ӧдӧн.