СӦВЕТСКӦЙ КРАЙ

Ветлан кӧть тэ сизим море сайӧ,
Некысь радлун сьӧлӧмад он вай.
Мортлы медся ыджыд радлун вайӧ
Миян му — рӧднӧй сӧветскӧй край!

Славитам ас муӧс кыпыд уджӧн,
Сыкӧд шуда быд сӧветскӧй морт.
Кор ми сійӧс помысь помӧ вуджам —
Гӧгӧр кылам стройкаяслысь гор.

Меным муса сылӧн вӧръяс, юяс,
Быдмысь кар и дзоридзалысь степь.
Враг кӧ чужан муӧ нырсӧ сюяс,
Сувтам тышӧ: доръям, кыдзи век.