ГОЖСЯ АСЫЛӦ
Збой колип паніс мыла сьыланкыв... Ми нӧрыс йылын — ме да муса ныв. И аддзам кыптысь кыаыслӧн борд Кыдз югдӧдӧ став вӧр-валысь простор. Со ёльяс сайын сӧвмӧ-воӧ сю: Выль озыр козин дасьтӧ миян му. Ми водзын — Изьва юлӧн эзысь визь, Сы сайын — веж ковёра паськыд видз. А ещӧ водзын — муса парма-вӧр... И сыысь радлун сьӧлӧмӧ оз тӧр, Мый тэкӧд, сьӧлӧмшӧрӧй-нылӧй, тадз Встречайтам чужан мулысь асъя час, Мый дона крайным сэтшӧм мича, том, Мый сэтшӧм сійӧ паськыд — дор ни пом, Мый ассьыс шудсӧ аддзис тані морт, Быд пельӧс сылы — аслас муын горт. Отчизна тайӧ миян — дона му. Мӧд татшӧм сэсся, корсян кӧть, оз сюр! И кыдз нӧ сійӧс радейтны он кут, Кор чужан муным миян — ачыс шуд?
Гижӧд
Гожся асылӧ
Жанр: 

lkejrlkelkrgner klrjnelknfrkl ekjnrjkenfrej

1