СЬӦЛӦМТӦ ГУДЫРТЛӦ ТУВСОВЪЯ ВА МОЗ
Н. А. Щукинлы
Пароход тэнад тӧвйыны сувтліс — Да ӧнӧдз, Кымын тулыс нин воліс, А рейсӧ оз пет и оз пет... Том командасяньыд ёртъясыд Кӧнӧсь нин, кӧнӧсь? Бӧрӧ косӧдлысь думъяссьыд Сивӧймӧм тоштӧ эн лет. Бара кылалӧ йи, Берег доръяссӧ ниртӧ. Вой, а ва воссян шысьыс Век ас ногыс вӧрзьывлӧ лов. Весиг ю весьтӧд быгыльтчысь тӧлысьыс Ӧддзӧдлӧ виртӧ, Вылӧ качӧма, вылӧ — И некутшӧм мачта оз ков. Быттьӧ пӧльяслӧн пӧльясӧн Ӧшӧдлӧм пӧнар, Югзьӧ долыда тӧлысьыс — Могмӧдӧ нэмӧвӧй мог. Тшӧтш и сы улын Тан, талапӧлас, И сэн, мӧдлапӧлас, Шудыс шымыртліс асьтӧ И асьтӧ жӧ дзескӧдліс шог. Эн вед ӧтарӧ тӧлктӧгыс Лун-войсӧ каттьы, Пароход бӧрсьыд кольліс жӧ Гыясӧн лайкъялысь сер... Коркӧ-й син водзысь воштывлін Збыль олӧм юлысь фарватер. Мыйысь вӧвлі — он веж нин, Он мӧдарӧ кер. А вот сьӧлӧмтӧ гудыртлӧ Тувсовъя ва моз Быдтор, кылаліс мый Да оз бӧрсӧ нин лок... Дзужгӧ йи. Код сэн чайтӧ, Мый дзикӧдз тэн раммис Пароходыдлӧн Коркӧся кыпыд свисток?
Гижӧд
Сьӧлӧмтӧ гудыртӧ тувсовъя ва моз
Жанр: 

lkejrlkelkrgner klrjnelknfrkl ekjnrjkenfrej

1