ДЗОЛЯ МОРТЛӦН ЮАЛӦМ

Кӧсъя ме тӧдны зэв уна,
Тӧдтӧгыс овны оз позь мен...
Мыйла Печораным юным
Воысь-во ляпкалӧ-косьмӧ?

Мыйла нӧ гудырмис ваыс?
Мыйла нӧ чериыс чиніс?
Менӧ тшӧтш шогӧдӧ таысь,
Менам тшӧтш сьӧлӧм оз инась.

Коркӧ тан тшем вӧлі вӧрыс, — 
Тадзи мен висьтавліс пӧльӧ,
Уна пӧ вӧлі, но тӧрис — 
Ӧні тан тӧв нырлы вӧля.

Дзоля на ме, а Печора
Ыджыд да джуджыд век вӧвлӧм. 
Гырысьлысь воча кыв кора,
Бӧр медым инасяс сьӧлӧм.