БЫТТЬӦ МАМЫД ДІНӦ ВОЛІН

Сьӧктӧм нопйӧн вӧрысь петан:
Вӧрыс козьналіс на тэн
Быдторсӧ, мый сӧвмӧ сэтӧн,
Быдторсӧ, мый волӧ сэн.

Упкан-восьлалан, а аслыд
Сьӧлӧм вылад кокни зэв,
Кӧть и петан коймӧд час нин,
Кӧть и буситыштӧ зэр.

Тан быд пулы,
Тан быд вутшлы
Ичӧтсяньыд тӧдса ёрт,
Таті важӧн нин эн вуджлы
Парма мулысь нитшка от.

Воин мир туй вылӧдз, долыд,
Мышкад шувгӧ арся вӧр...
Быттьӧ мамыд дінӧ волін,
Гӧститін — и довган бӧр.

1985