ПОСНИ ВИСЬТЪЯС


1.


Колӧ бӧрдны сэк, кор морт чужис; колӧ гажӧдчыны сэк, кор сійӧ куліс; сы вӧсна мый морт чужӧ шогъяс вылӧ, кулӧ майбырлун вылӧ.


2.


Кулӧм локтӧ олӧм бӧрын сы понда, мед эштамӧ оліг шаньджыка лӧсьӧдчыны кувны.


3.


Корысь унджык йӧзлы, чӧм аслыс, бур керӧ.


4.


Пу оз кӧ вужъяссӧ лэдз улӧджык и пыдӧджык, юрнас оз лэптысь вылӧджык.


5.


«Ма вай, ма вай!» — бӧрдіг корӧ кага. Сетісны сылы ма, сёйис сійӧ чась тыр, и бара бӧрдіг норасьӧ: «Ой, курыд! Ой, курыд!»


6.


Бӧрдӧ кага, кусьыс петӧ, зыкнас керка тыр. «Мый сэн увган, пеж горш!» — став грезд вылӧ увгӧ мам.


7.


Коді оз висьтась, сійӧ омӧльджык омӧль мортысь.


8. ВАНЬ

(Висьталӧм Пушкинлӧн)


Дяк Вань вӧліс ыджыд ышман, ветліс юр вылас, гыӧмӧн гыис. Туй мортъяслы туй эз сетлы: чагйӧн шыбласьӧ, кывсӧ мыччылӧ, мунысь-локтысьӧс куталӧ паськӧмъясӧдыс; кывлӧмаӧсь, мый пӧ сійӧ-й понъясьлӧма чукля кывнас. Ӧти бур морт ку...


9. РУЧА-КӦИНА


…… дасьтӧм нуръясянныс. Ручлы ковмис сійӧс аддзывны и локтіс сы ордӧ. «Ме пӧ кыдзкӧ шепала сылысь сёян». Но Кӧин гӧгӧрвоис Ручӧс и дзебис сёянсӧ. Руч нюлыштіс паръяссӧ — и сӧмын. Сэки сійӧ котӧртӧ мӧс видзысь дінӧ, висьталӧ, кӧні оліс Кӧин и вӧйпӧдӧ вины сійӧс; сы вӧсна мый, кыдзи шуис Руч, Кӧин сымынысь джагӧдліс бӧрйӧмӧн мӧс видзысьлысь медся шань межъяссӧ. Мӧс видзысь кывзіс Ручӧс; но лӧсьӧдчӧм мысьт Кӧинкӧд, сійӧ виис и Ручсӧ!


10.


Ӧти ыжъясӧс видзысь ас гаж вӧснаыс равгывліс кадысь кадӧ: «Кӧинъяс! Отсалӧ!» Тайӧ равгӧм вылӧ локтісны йӧз, мед отсавны. Видзысь найӧ вылын пондіс серавны. Сідзи сійӧ эз ӧтпыр керлывлы. Ӧтчыд збыль кӧинъяс шыбитчисны сійӧ ыжъяс вылӧ. Сэки сійӧ пондіс равгыны мый вынсьыс; но сійӧ дыр равгис весьшӧрӧ; йӧз оз локны отсавны: сійӧ пӧ ӧд бара дуритӧ-пӧръясьӧ! Сэк кӧин джагӧдіс став ыжъяссӧ видзысьлысь.

Коді асьсӧ петкӧдлас пӧръясьысьӧн, сылысь оз кывзыны и сэк, кор сійӧ шуӧ веськыда.


11.


Чипан быд лунӧ вайліс ӧти зарни колькйӧн. Морт артавны пондіс: дерт пӧ сылӧн кынӧмас эм сюрс колькъяс; часлы пӧ ме перъя ӧні ставсӧ. Сэки босьтіс сійӧ чипанӧс и начкис и видліс кынӧм пытшсӧ. Но сійӧ лёк ног ойӧктіс, кор эз аддзы кынӧмсьыс нинӧмтор сэтшӧмӧс.

Коді вывті кӧсйӧ уна босьтны, сійӧ мукӧд дыръя воштывлӧ ставсӧ.


[1860]


Гижысь: 
Гижӧд
Посни висьтъяс
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1