ВУНДӦМ
Талун петіс гажа шонді, — Зарни шепта бур сю вунда Ме, том ичмонь. Лэчыд чарла шырскӧ водзӧ, Косъяс висьӧ, сойяс мудзӧ, Онмӧй личкӧ. Со ӧд кутшӧм миян мырсьӧм: Некор он тӧд чӧскыд узьӧм, Быд лун висян. Сьӧкыд уджыд немтор эськӧ: Менсьым морӧс мӧд шог косьтӧ — Сьӧлӧм висьӧ. Мамӧ сетіс верӧс сайӧ Менӧ, томӧс, пӧрысь сайӧ — Тӧдтӧм шӧрӧ. Аслам сиктын жальӧн коли Менам другӧй, муса Коля, Сьӧлӧмшӧрӧй. Вот и ӧні вундігтырйи Важ вӧляысь гажӧй быри, Дай шог босьтіс... Кольта юрӧ чарла сутшки, Шойччигмоз ме борйӧ пукси, Синва петіс. Эг и тӧдлы вугыртсьӧма, Мудзӧм бӧрын унмовссьӧма Кольта бердӧ. Коля ордӧ волі вӧтӧн: Аслам шогысь быттьӧ сэтӧн Ёна бӧрді. Кор ме садьми сыркъялӧмӧн, Борйысь чеччи тэрмасьӧмӧн — Шонді лэччӧ. Сю бӧрӧзда чарла корӧ, Шонді ӧдйӧ сёрлань нёрӧ, Пӧра гортӧ. Гортын менӧ виччысьӧны: «Эштӧдӧ, дерт,— думайтӧны, — Зіль том ичмонь». Со ӧд кутшӧм миян уджыд, Он тӧд, кӧні ыджыд шогыд Тэнӧ личкас. 1918
Вуджӧдысь: 
Гижӧд
Вундӧм
Жанр: 
Гижан кад: 
Пасйӧд: 

Роч вылысь

lkejrlkelkrgner klrjnelknfrkl ekjnrjkenfrej

1