[ЯГМОРТ ДА ЙӦЛА]

......................
........... «дерт, сёр
Вынтӧмлы сетны овтсӧдантор!»
Ягмортлы йӧла паныд:
		— Дерт, сёр
Вынтӧмлы сетны овтсӧдантор!
«Он кӧ тэ бур вӧч, гашкӧ,
				лёк ног
Поткӧдлас, Ягморт, сьӧлӧмтӧ
					шог?»
Ягмортлы йӧла паныд:
			— Лёк ног
Поткӧдлас, Ягморт, сьӧлӧмтӧ
					шог!
«Тӧдтӧм, дерт, сӧрӧ! Кыдз тэ
				он вӧч,
Ягмортӧй, буртор, кулан
				кадӧдз?»
Ягмортлы йӧла паныд:
			— Он вӧч
Ягмортӧй, буртор кулан
				кадӧдз!
Дзугыля Ягморт сувтіс и
				шуӧ
Мывкыднас аслыс, видзӧдіг
					муӧ:
«Тӧдтӧм, дерт, вежас курзьӧдӧм
					кывсӧ».
Чӧв олӧ йӧла, мукӧдӧс
			кывзӧ!..

(1866)