* * *

Ылын, ылын, выль ва сайын, выль слӧбӧда тыдалӧ,
Выль слӧбӧдаын том дӧва олӧ,
Том дӧвалӧн мича ныв быдмӧ,
Самӧй буретш туша, кыз да и вӧсньыдик.
Сьӧд син брова, синъяснас ворсӧ,
Чужӧм вылас алӧй вир ворсӧ.
Кодлӧн пӧ бара тая чужлӧм, рӧдитсьӧм?
Талысь пӧ мичсӧ он вермы гижӧмӧн гижны,
Непӧштӧ гижӧмӧн гижны, он вермы кывйӧн 
								висьтавны,
Кысь пӧ бара кылӧн висьтавны, он куж думӧн 
								думайтны,
Кыдзи пӧ уличаын вой тӧв жургӧ,
Сідз жӧ сылӧн войся юӧр-славаыс локтӧ.
Любезнӧй петлӧ ва сайсяньыд чуксасьныд,
Тайӧ юӧр-слава вӧсна старик сайӧ лоӧ мунны,
Менам старик оз лэдз ывлаӧ петны,
Кӧть пӧ вед ывлаас пета, коскӧдзыс ӧшиняс петас,
Менам мича ичмонь пельӧс сайын сулалӧ,
Любезнӧйыскӧд сёрнитӧ,
Сёрнитігкостын чӧлӧй чышъян кӧтасис,
Прӧщай, прӧщай, любезнӧйӧй,
Частӧджык кӧть волывлы!