КУЛАН ВОДЗЫН
Кольчча нин гула. Перйыссяс, кула. Бурдӧдысь мем Оз нюжӧд нэм! Мусук! Ло дзугыль, Этша ло нюгыль... Сэсся тэд ог Некор вӧч шог! Сёрни и авӧй — Со тай ме ставӧй! Чужӧмӧй... ен Сыкӧд нин сэн! Видзӧд, кор кӧра; Гуӧ кӧ пӧра, Сэтчӧ эн во, Ме сэн ог ло! Водзджык чем пыра Гуам, ме быра... Шой сэн да горт — Сэтшӧм-ӧ морт? Ӧти сэн коли, Лёлипоз. Лёли Сёйыштас шой, Олыштас вой. Вурдысь тай воас, Лёльӧсӧ сёас... Эн тэ видз пес — Эн сувтӧд крес! Тӧд вылад вола... Сымда ме-й ола! Кӧсъян кӧ, мем Нюжӧдан нэм. Со олӧм миян! Менӧ тэ виан, Гаравны кор Вунӧдан сёр... Тут ме нин бырӧм, Гыркад кор пырӧм Мӧд понда шог, Ме понда ног. Мусук! Ло дзугыль, Этша ло нюгыль — Оллялігтыр Дзеб шойӧс пыр! Синтӧмлы кыдз нӧ Тэнӧсӧ видзны? Ӧтик оз шед, Мӧд сюрас тэд. Синтӧмлы сылы Муннысӧ ылӧ... Весьшӧрӧ-й вой Эн видз тэ шой! Аканьӧй повзяс Сыысь, и ковзяс Гаж вӧсна мӧд Аканьӧйкӧд... Яндзим мем... тэнӧ Повзьӧдны. Менӧ Оллялігтыр Колльӧд тэ пыр! Регыд ме кула, Ловъя на гула... Перйыссьӧм? Дась? Мунны мем тась... Чышъян тэ босьтін, Синватӧ косьтін... Зэв тай тэд шог, Эм кӧ мем мог. Зэв бӧрд! Ме сыла... Мый, мусук? Кыла! Шуан, и вой Он видз тэ шой? 1866.
Гижысь: 
Гижӧд
Кулан водзын
Жанр: 
Гижан кад: 
Пасйӧд: 

(Гуговлӧн)

lkejrlkelkrgner klrjnelknfrkl ekjnrjkenfrej

1