Лун да вой.


Асланыд мачьяс вылӧ, кодӧс тай му пыдди видлалам, рисуйтӧй ылӧссӧ материкъяс, океанъяс да. Сэсся вӧчӧй со кутшӧм видлалӧм. Кутӧй мачтӧ ӧшинь весьтын. Мачсӧ шуамӧй муӧн, а ӧшинь югыдсӧ — шонді югӧрӧн. Быдлаӧ-ӧ мач вылад ӧшинь югыдыс инмас? Тӧдӧмысь, оз. Буретш мач джынйыд лоӧ пемыдын, мач вуджӧрын. Сідз жӧ и муыдкӧд: му джынйыс пыр вуджӧрын. Ми шуам: сэні ӧні пемыд, вой. Югыдінас — лун. Луныс да войыс пыр мӧда-мӧдыскӧд вежласьӧны, муыс шондіыслы кор ӧтар боксӧ мыччӧ, кор мӧдарсӧ да. Муыд ӧд дугдывтӧг ас гӧгӧрыс (дурпоп моз) бергалӧ, веськыдладорӧ, рытыввывсянь асывланьӧ.

Важӧн чайтлӧмаӧсь, шондіыс пӧ му гӧгӧрыс бергалӧ, муыс ӧтилаын сулалӧ. Сэсся тӧдмалӧмаӧсь му ыдждасӧ да шонді ыдждасӧ дай дугдӧмаӧсь асьсӧ ылӧдлыны. „Муыс пӧ тай вӧлӧм шонді гӧгӧрыс кытшлалӧ“, шуӧмаӧсь.

Босьтӧй мачьястӧ да гӧгрӧдлӧй найӧс, кыдзи тай ыргӧн либӧ эзысь деньга дорыш вылас гӧгрӧдлывлам. Мач гӧгралігас чунь улад кольӧны вӧрзьывлытӧм чутъяс. Му вылын эмӧсь жӧ сэтшӧм чутъясыс, на гӧгӧр и бергалӧ муыс. Сійӧ чутъясыс шусьӧны мучӧрспомъясӧн. Думӧн кӧ мучӧрспомъяссӧ визьӧн ӧтлаалам, сійӧ мунас мусяр пырыс, кыдзи тай глобусын чӧрсыс глобус пырыс мунӧма. Збыльсӧ, дерт, некутшӧм му чӧрс абу, сійӧ сӧмын думын. Сійӧ визь гӧгӧрыс (чӧрс гӧгӧрыс) муыд 24 час бергӧдчӧ, суткиӧн шуӧны.

Глобус вылын да мусярджынъяса карта вылысь корсьӧй мучӧрспомъяс: Войвывладорсасӧ, Лунвывладорсасӧ и.


lkejrlkelkrgner klrjnelknfrkl ekjnrjkenfrej

1