МАТЯШӦС КОРОЛЬӦ БӦРЙӦМ | ИЗБРАНИЕ МАТЯША КОРОЛЁМ |
Матяш король войдӧр вӧлӧма казакӧн. Ӧтчыд вӧтнас волас сылы андел да висьталас: корольӧн пӧ лоан. | Сначала король Матяш был батраком. Однажды во сне явился ему ангел и сказал: Матяш, ты будешь королём. |
А казакаліс Матяшыд ӧти озыр кӧзяинлы, кодлӧн вӧлі квайт ӧш. Кӧть и озыр вӧлі кӧзяиныс, а ачыс уджаліс жӧ Матяшкӧд. Коркӧ ӧтчыд уджаласны-гӧрасны да и пуксясны пажнайтны. Пажнайтіганыс Матяшыдлӧн кӧзяиныс шмонитігмоз и шуас: | А батрачил Матяш у одного богатого крестьянина, у которого было шесть волов. Хотя и богатый был хозяин, он сам тоже работал вместе с Матяшем. Как-то раз работали они в поле, пахали-пахали да и сели отдохнуть, пообедать. Во время обеда хозяин и говорит насмешливо Матяшу: |
— Талун кутасны корольӧс бӧрйыны. Тӧдан-ӧ тэ, Матяш, та йылысь? Гашкӧ, тэнӧ бӧръясны да! | — Сегодня будут короля выбирать. Знаешь ли ты об этом, Матяш? Может, тебя изберут! |
— Збыль, ме лоа корольӧн, — шуыштіс Матяшыд. | — Да, я буду королём, — спокойно ответил Матяш. |
— И кор нӧ тайӧ лоас? — тешитчӧм могысь юаліс кӧзяиныс. | — И когда же это случится?— решил позабавиться хозяин. |
— А сэки, кор менам плеть вороп вылын веж коръяс мыччысясны, — лабутнӧя, асьсӧ пыдди пуктӧмӧн вочавидзис казакыд. | — Когда на рукоятке моей плети вырастут листочки,— не спеша, с достоинством ответил батрак, на что хозяин только криво усмехнулся. |
Кӧзяиныс та вылӧ сӧмын вомсӧ пӧлыньтӧмӧн нюммуніс. | После обеда они снова стали пахать. |
Пажын бӧраныс найӧ водзӧ пондісны гӧрны. Матяшыд сӧмын му помӧдзыс и воис, видзӧдӧ, а плетьыслӧн вороп вылас мичаник ичӧтик коръяс вежӧдӧны. Му помас Матяшыд бергӧдчис да бӧр ӧшъяс бӧрсяыс мунӧ. Воис му шӧрӧдзыс, да юр вылас сылы шняпкысис вывсянь корона. А ӧшъясыд дышмыштӧмаӧсь. Матяш сійӧ здукас ӧвтыштіс плетьнас да гез помыс буретш крукасис коронавывса крестас. Крестыс и нюкыльтчис неуна. Сійӧ кадсяньыс мадьяръяслӧн корона выланыс крестыс пыр пӧлӧс. | Только и успел Матяш пойти до конца поля, смотрит, а на рукоятке его плети нежные листочки зазеленели. Развернулся Матяш в конце поля и снова идёт по борозде за волами. Только дошёл он до середины поля, как на голове у него очутилась корона. Как раз в это время Матяш хотел было ударить обленившихся волов, но конец плети зацепился за крест на короне. Рванул Матяш плеть на себя, а крест-то и погнулся. С тех пор на венгерской короне крест так и остался накренившимся. |
А рытнас тӧкӧтьӧ Матяш казакыд удитіс гортас локны, кыдзи воисны нин сыла, медым парламентӧ нуӧдны. Вайӧдісны парламентаныс. Ӧдйӧ и велӧдчис Матяшыд лыддьысьны да гижны — ёна сюсь зонмыд вӧлӧма да. И лоис сійӧ корольӧн. И доза бура да кужӧмӧн юраліс государствонас. А кор Матяшыд куліс, лоис сійӧ вежаӧн. Енмыс сетіс сылы бордъяс: ӧд эз вӧв сыӧдз сэтшӧм веськыд оласнога, ыджыд сьӧлӧма да йӧзӧс пыдди пуктысь корольыс, и сы бӧрын эз вӧв сэтшӧмыс, и некор оз ло! | А вечером, едва батрак Матяш успел прийти домой, как пришли за ним, чтобы отвести его в парламент. Привели его в парламент. Тотчас научился Матяш читать и писать, поскольку очень умён был. И стал Матяш королем. И очень умело правил государством своим. А когда король Матяш умер, стал он святым. Бог дал ему крылья: ведь до него не было такого справедливого, такого благородного и уважающего свой народ короля, и не было такого короля после него, и не будет никогда! |
Комиӧн гижис
Манова Надежда
Манова Надежда
Рочӧн