ПӦЛЯН СЬЫЛӦ

Чужан муын пӧлян сьылӧ,
Син оз куньлы кӧка вой.
Кодкӧ матӧ, кодкӧ ылӧ
Нуӧ чӧскыд сьӧлӧм дой.

Пӧлянӧй дай пӧлянӧй —
Бордъяӧн дай лолӧмӧй.
Пӧлянӧй дай пӧлянӧй —
Кодлыкӧ дай колӧмӧй.

Чужан муын пӧлян сьылӧ,
Коркӧ гора, коркӧ лӧнь.
Тэныд — чышъян пельпом вылӧ,
Меным — коскӧ сера вӧнь.

Чужан муын пӧлян сьылӧ,
Ачыс выль, да ладыс важ.
Люзьгим-петім ывла вылӧ,
Кӧні пӧлян — сэні-й гаж.