СЁЙТЫ ГРЕЗДЫСЬ ПЕТӦМТОР
Сыктывкарас, гажа карас Ме студентӧн вӧлі кор, Ёна мусмыліс Тамара — Сёйты грездысь петӧмтор. Сэтӧр синма, чангыль ныра, Сюран вом доръяса ныв. Вӧлі пӧчысъясӧ пырам — Кыв да кыв да сыв да сыв. Гашкӧ-й, шулі, тӧда — шулі, Мый ме сытӧг здук ог ов. Кызь кык арӧсалысь тулыс Да мед эз и кыпӧд лов? Мися, гортӧ сійӧс нуа, Велӧдчӧмӧй эштас кор. Мамлы, мусаӧйлы, шуа: «Тайӧ — менам бӧрйӧмтор». Гашкӧ, тадзи-й вӧчны коліс, Да ӧд гортӧдзым эг во. ...Сӧмын окасьӧмӧдз волім, Грекыс некутшӧм эз ло. Кодлы мыйысь яндзим — тӧдӧ, Менам таысь юр оз вись, Но кор казьтывлыны мӧда, Прӧща кора нылыслысь. Лӧсьыд вӧлі Сыктывкарас, Сэні велӧдчылі кор. Кӧні ӧні тэ, Тамара, — Сёйты грездысь петӧмтор?
Гижӧд
Сёйты грездысь петӧмтор
Жанр: 

lkejrlkelkrgner klrjnelknfrkl ekjnrjkenfrej

1