ЕДЖЫД БУРЫСЯ ВӦВ

Еджыд бурыся чепсасьӧ вӧв,
Корадоддяс нӧ мыйла он сӧв?
Гортсьыд ӧдйӧджык пет,
Китӧ меным вай сет,
Лэбам, вӧтчас мед бӧрвылын тӧв.

Вӧлыс котӧртас регыд ли дыр,
Зёльгас миянлы тільгуныс пыр.
Югыд шыа жӧ мед
Лоӧ олӧмыс тэд,
Шудӧн керканым лоӧ мед тыр.

Кӧть и туй вылас волялӧ йи,
Огӧ шыбӧляс путкыльтчӧй ми.
Вӧлыс вӧрӧ оз сюй,
Коркӧ помасяс туй,
Коркӧ ӧзтам на пачаным би.

Лымсӧ пӧлӧсӧн коялӧ тӧв,
Еджыд бурыся чепсасьӧ вӧв.
Ставыс аддзисны мед,
Китӧ меным вай сет,
Корадоддяс вай ӧдйӧджык сӧв.