МИЧА НЫВ

Тайӧ керка помас олӧ
Ӧти мича ныв.
Зонлысь, коді татчӧ волӧ,
Чуксасьӧм оз кыв.

Олӧ мича ныв,
Чуксасьӧм оз кыв.

Сар кӧ колӧ, — абу сійӧ,
Абу весиг князь.
Век на шогмылісны пиян —
Ваньӧ либӧ Вась.

Шогмылісны тась
Ваньӧ либӧ Вась.

Пыр на асьным олам-вылам,
Абу ставыс лёк.
Пыр на неунатӧ сьылам,
Печласьӧ на кок.

Олам на ми вок,
Печласьӧ на кок.

Нылӧй, нылӧй, мича нылӧй,
Чуксасьысьсӧ кыв.
Юргы, юргы свадьба вылын,
Миян сьыланкыв.

Чуксасьысьсӧ кыв,
Юргы, сьыланкыв.