ЛЬӦМЪЯ ШОРЫН ГУДӦК КЫЛӦ

Тулыс воис, тулыс воис,
Гӧгӧр ва да гӧгӧр пос.
Мый нӧ тайӧ мекӧд лоис —
Кодкӧ тӧдӧ али оз?

Ӧкта борйысь купальнича,
Купальнича да вижъюр.
Код нӧ эськӧ медся мича,
Мыйла сійӧ мен оз сюр?

Регыд чорзяс пожӧм йылыс,
Регыд курдас коляоз.
Льӧмъя шорын гудӧк кылӧ,
Гашкӧ, ӧтнас жӧ ме моз?

Ваыс усяс, ваыс ямас,
Кывтӧм керсӧ он нин кый.
Мусаӧй дай дона мамӧй,
Висьтав, меным вӧчны мый?