ОЗ ГУДӦК ВОРС...

Оз гудӧк ворс, а брунӧдчӧ гитара,
Аккордыс муртса артмыштӧ — и то.
И мыйла кыськӧ корси тэнӧ бара,
Ог некыдз талун ачым гӧгӧрво.

Сэк дзик жӧ тадзи брунӧдчис гитара,
Кор рытсӧ пуким окыштчалігмоз.
Ми сӧмын вӧлім Сыктыв бокса карас
Да нӧшта чӧскыд «Варна» тыра доз.

Да, сэки вӧлі брунӧдчӧ гитара:
Студент ли, код ли сэки песіс чунь...
Эн шуав нинӧм, кольӧмсӧ эн гарав,
А сӧмын, кыдзи сэки, синтӧ кунь.