* * *

Кытчӧ коркӧ томӧн волывлі,
Сэтчӧ чепӧсйӧма рос.
Кӧні воча тэкӧд лолывлі,
Ог нин аддзысьлӧй важ моз.

Август шӧрсянь таво пужъяліс,
Кынмис керка весьтын зэр.
Быттьӧ кага шебрас чужъяліс,
Йизис енэжыслӧн сер.

Пелысь розла жоньяс лэбисны,
Вӧтліс туриясӧс нюр.
Кытчӧ тэнӧ меысь дзебисны? —
Дзик тай некытысь он сюр.

Баба гожӧм век на волывліс,
Таво лоас али оз?
Кӧні воча тэкӧд лолывлі,
Ог нин аддзысьӧй важ моз.