* * *

Шоныд кывъяс талун корси
Тэныд, дона коми ань.
Ёна рам тэ мукӧд дорсьыс,
Мукӧд дорсьыс ёна шань.

Мукӧд дорсьыс ёна варов,
Мукӧд дорсьыс ёна збой.
Оз и быттьӧ волы арыс,
Оз и быттьӧ сюрлы дой.

Мукӧд дорсьыс ёна мича,
Мукӧд дорсьыс ёна сюсь.
Мед жӧ Енмыс тэнӧ видзас,
Юрсьыд ӧти сі оз усь.

Мукӧд дорсьыс ёна муса,
Мукӧд дорсьыс ёна пӧсь.
Менам кодзулӧй кӧ кусас,
Тэнад дзирдалас мед сквӧзь.