НИМЛУН

Овны кузясӧ ог гарав,
Тырмас меным ӧти нэм.
Талун нимлун пасъя бара,
Коді локтіс, сійӧ эм.

Вай жӧ тӧрӧдчӧй да пуксьӧй,
Вай жӧ матыстчӧй, бур йӧз.
Вай ог зыксьӧй, вай ог юксьӧй,
Вай ог видӧй асьнымӧс.

Вай жӧ йӧктам, вай жӧ сьылам,
Гудӧк ас и ворсысь ас.
Коді аддзас, коді кылас,
Татчӧ жӧ мед кежалас.

Коляс во да бара кора,
Василейыс локтас кор.
Мед и нэмыс кылас гора
Парма шӧр и парма дор.