МИЧА НАСТА

Мый нӧ тайӧ гудӧкыскӧд лоис?
Вичкодорлы узьнысӧ оз сет.
Бара Наста керка дорӧ воис,
Сӧмын Наста мыйлакӧ оз пет.

Припев:

Наста, мича Наста,
Наста, муса ныв,
Петавлы кӧть аски,
Талун кӧ он кыв.

Рытсӧ-войсӧ гудӧк тадзи сьылас,
Оз и куньлы синсӧ Наста ныв.
Ок и гажа кӧка ывла вылыс,
Ок и шоныд ворсысьыслӧн сыв.

Припев.

Мый нӧ эськӧ Настаыскӧд лоис?
Мый нӧ сійӧ вечмасьӧ, оз пет?
Бара гудӧк керка дорас воис,
Вичкодорлы узьнысӧ оз сет.

Припев.