ПОН

Гӧгӧр киссьӧ, гӧгӧр корысь,
Кулӧм мортлы абу горт.
Вӧтліс помӧй гуяс дорысь
Коньӧр понйӧс коньӧр морт.

Мыйкӧ лукйӧ, мыйкӧ корсьӧ,
То ли пӧрысь, то ли том.
Эськӧ татшӧм олӧм дорсьыд
Сӧнтӧ чилснитін и — пом.

Но ӧд водзӧ крестсӧ нуӧ,
Пон моз корсьӧ кынӧм нур.
Мӧскуаыс, видзӧд, шуӧ:
Регыд ставыс лоас бур.

Сьӧд вой шӧрын пон кор увтлӧ,
Сьӧкыд унмовсьыны бӧр.
Менам сьӧлӧм быдсӧн сувтлӧ:
Эз-ӧ мортыс понйӧ пӧр?