СИНЯВИНСА НЮР

Ме тӧда, мый сэтшӧмыс сійӧ
Йи подъя Синявинса нюр.
Няйт сюръяӧн шыбласьысь биӧ
Ме нулі жӧ Комисянь юр.

Синявинса нюр, Синявинса нюр,
Ми пуктім сэн сюрсъясӧн юр.
Победалӧн лун, Победалӧн лун,
Тэ паметьысь некор эн вун.

Сэн кок улын ватлалысь ольыс
И ӧні на вирсьыным пӧт.
Эн дивитӧй, ловйӧн мый коли,
Кыдз коли, ме ачым ог тӧд.

Эг ёртъясысь нинӧмӧн торъяв,
Кор кувлі, бӧр ловзьыны мед,
Но Ленинлысь карсӧ ме дорйи,
Ме вӧрӧглы сійӧс эг сет.

Мед олӧмыс солькъясьӧ шудӧн,
Но вуджас кӧ миянӧ би,
Лӧз эрдъяссӧ, пиянӧ, кутӧй,
Эн некодлы сетчӧй и ті.