ЫТВА

Эз тай ковмы пыж ни пелыс,
Эз тай ковмы пӧв ни пос.
Баддя діыс ваӧ келіс
Купайтчыштны челядь моз.

Юӧ коскӧдз пелысь пырис,
Юрсӧ дзумгис сэтчӧ льӧм.
Весиг козлӧн гажыс бырис,
Кӧсйӧ кӧтӧдны жӧ кӧм.

Кыдз пу важӧн шорас уйис,
Кужӧ вартчыны, оз пов.
Но а пожӧм кисӧ сюйис,
Ыркӧдыштас пӧрысь лов.

Тэа-меа ог на лэччӧй,
Мед на кывтас лӧп да ёг.
Сідз на миян сьӧлӧм чеччӧ,
Да и ачыд на он лок.