МЕДСЯ ЛӦСЬЫД ЧУЖАНІНАД

Коркӧ куим весьта-й вӧлі,
Олі, кӧні шувгӧ вӧр.
Шоныд вӧлі кӧдзыд тӧлыс,
Гажа вӧлі керка йӧр.

Коркӧ гортысь ылӧ муні,
Вӧлі зорӧда нин видз.
Эг тай вермы аскӧд нуны
Чужан мулысь гаж да мич.

Йӧзад ёнасӧ он инась,
Йӧзад ёнасӧ он тшӧг.
Медся лӧсьыд чужанінад,
Кӧні кӧрталӧны гӧг.

Коркӧ чукӧста ме вӧлӧс,
Парма пытшкӧ тӧвзя бӧр.
Сэні шоныд лоас тӧлыс,
Гажа лоас керка йӧр.

Гашкӧ, ӧти ӧшинь улын
Век на чомйӧн ворсӧ ныв.
Гашкӧ, волас на и тулыс,
Кор тай юргӧ сьыланкыв.