СЬЫЛЫСЬ УР

Вӧрын дзуртіс пӧрысь коз,
Кодлӧн горсйын вӧлі поз,
Позъяс оліс тэрыб ур,
Кодысь тэрыбджык оз сюр.
Кынӧм сюмалӧм эз кыв,
Сьыліс татшӧм сьыланкыв:

«Вӧрын дзуртӧ пӧрысь коз,
Кодлӧн горсйын шоныд поз.
Позъяс олӧ тэрыб ур,
Кодысь тэрыбджык оз сюр.
Кынӧм сюмалӧм оз кыв,
Сьылӧ гажа сьыланкыв».

Ӧтчыд пӧрис дзуртысь коз,
Кодлӧн горсйын вӧлі поз.
Сэтысь пышйис тэрыб ур,
Кодысь тэрыбджык оз сюр.
Оз нин сьыланкывсӧ сьыв,
Корсьӧ горсъя коз ли ньыв.

Мед жӧ сюрас сылы коз,
Мед жӧ сьылас воддза моз:
«Вӧрын дзуртӧ пӧрысь коз,
Кодлӧн горсйын шоныд поз.
Позъяс олӧ тэрыб ур,
Кодысь тэрыбджык оз сюр.
Кынӧм сюмалӧм оз кыв,
Сьылӧ гажа сьыланкыв».