ДЫШ МОРТ

Пес оз пырт и джодж оз чышкы,
Ва оз вай и лым оз весав.
Паччӧр вылын шонтӧ мышку,
Тадзи сійӧ дышсӧ песӧ.

Дневник тырыс «двойка» сылӧн,
«Пятьсӧ» некор на эз босьтлы.
Ышмӧ весиг урок вылын,
Юаласны — вом оз восьтлы.

Ассьыс ичӧтъясӧс нӧйтӧ,
Деньга налысь мырдӧн корӧ.
Ывла вылын сёрӧдз шӧйтӧ,
Гортас пырӧ мырдӧн сорӧн.

Ыджыдъяскӧд пырӧ венӧ,
Нинӧм туйӧ пуктӧ ёртсӧ.
Челядь, аддзылінныд энӧ
Татшӧм дыш да наян мортсӧ?