60 000 УБЫТКА


Вит во сайын, самӧй ӧнія кадын, Коми му вылӧ волісны еджыдъяс. Нырщикъясыс вӧліны: Латкин Ӧсип Степан да капитан Орлов. Найӧ миянӧ локтісны Кардорсянь (Архангельсксянь), кӧні власьтыс вӧлі Чайковскӧй да Миллер киын. Найӧӧс сэтчӧ пуктыліс Англияса правительство. Найӧ кыдзи-мый вермисны зілисны бырӧдны Сӧвет власьт войвывсянь. Англияса правительство жӧ мӧдӧдліс ассяньыс уна салдатӧс быдсяма оружйӧнас. Дыр муніс война войвылын. Уна коми йӧз тшӧтш усисны сэні война вылын.

Дыр коми йӧзлӧн оз вун Латкинлӧн волӧмыс!

Мый жӧ вӧчисны тані еджыдъяс?

Дерт, лёк кындзи нинӧм эз вӧчны, ыджыд убытка кындзи нинӧм эз вайны Коми муӧ.

Куш сельскӧй кооперативъяслы вӧчӧма убыткасӧ 59 653 шайт да 11 ур дон, пӧшти 60 сюрс шайт дон! Татчӧ ещӧ оз на пыр убыткаыс Обсоюзлӧн.

А мыйта убыткасӧ вӧчис коми йӧзлы! Кымын вӧла-морта лун воши прӧста!

Коді ставсьыс таысь мынтысяс?

Англияса буржуйяс миян Сӧветса правительствосянь корӧны важ уджйӧз, мый вӧчлӧма коркӧ важ сар; сэсся лыддьӧны миянсянь уджйӧз озыр англичаналы революция дырйи убытка лоӧмысь.

Кор таво Англиякӧд вӧлі миян правительстволӧн сёрни, миян правительство шуис кутшӧмсюрӧ уджйӧзъяс мынтыны Англиялы, мынтыны сэтшӧм условйӧӧн, мед Англияыс мынтас миянлы мый дон вӧчис сійӧ убыткасӧ аслас войскаӧн, Сӧвет власьт бырӧдны кӧсйигӧн.

Став Сӧветса Республика пасьта нин чукӧртӧма, арталӧма, лыддьӧма, уна-ӧ убытка вӧчис Англия миянлы.

Ӧні Коми кооперативъяссянь тайӧ 60 сюрс шайтысь ещӧ содтӧд.

Тшӧтсӧ миян кырымалӧма. Мынтыны Англияса буржуйяслы ковмас! Ас вӧлясьыныс кӧ оз кутны примитны — сэтчӧс робочӧйясыс тшӧктасны, мед кӧть ӧні сэні власьтыд Болдуинъяс да Керзонъяс киын. Налӧн власьтыд сэні абу векӧвӧйся, коркӧ лоӧ на налы эновтчыны.

Гижӧд
60 000 убытка
Йӧзӧдан во: 

lkejrlkelkrgner klrjnelknfrkl ekjnrjkenfrej

1