ЭСКӦМ

Эскы,
		эштас арся луныс.
Войсӧ узян — ставыс вунас.
Мед кӧть сьӧкыд тайӧ войыс,
аски кокни тэныд лоас.
Тэнад узигкості войыс
мусӧ эзысь лымйӧн кояс.
Аслас небыд, мелі киӧн
тэнӧ тӧбас эзысь пиӧ.

Эскы, тайӧ мойд кодь войӧ
сылас лым чир ыджда дойыд.
Тэнӧ нуысь му выв ордым
аски лоас лэбач бордъя.
Войсӧ узян — ставыс вунас.
Аски эзысь лоӧ луныс.
Аски асывсяньыс сӧмын
олӧм лоас зарни рӧма...
Эскы талы сьӧлӧм-лолӧй!