ГӦЛЬЛУН
Сирасис тай! Сэсся сыкӧд тшыгсӧ лоӧ пыкны кыкӧн. Ог тшук мынлы ловъя юрӧн — беддьӧн вӧтлӧмӧн ни бурӧн. Лун шӧр лунӧ, вой шӧр войӧ ӧти пызан сайын сёйӧ. Оз и пӧтлы. Пыр тай орччӧн. Муртса тшыгъялас да, ёрччӧ. Скӧрмывла да, шуа аслым: мися, екупивань, часлы, воас кад да, коркӧ тэнӧ, мисьтӧм бугыляӧс, вена! Мися, ачым том и вына! Уджышта да, тэысь мына. Коркӧ, воас кад да, чайта, Зептын лоас зарни шайта. Мися, тэысь, мисьтӧм чужӧм, кыдзкӧ мынтӧдчыны кужа! Сійӧ гигзьӧ. Сылы серам — мый нӧ сэсся сыкӧд керан... Шуӧ меным серам сорӧн: эн пӧ мырсьы — гӧгйыд орас. Гӧльӧн нэм чӧж овны — тӧдлы, озырлуныс оз пӧ шедлы. Тадзи шуыштас да, сійӧ менӧ ӧти кывйӧн вийӧ.
Гижӧд
Гӧльлун
Жанр: 
Йӧзӧдан во: 

lkejrlkelkrgner klrjnelknfrkl ekjnrjkenfrej

1