МИЯН ТАНГО

Эг нин йӧктывлӧй дыр
Коми тангосӧ тайӧс.
Вай жӧ петалам ми
Кӧть ӧти здук.
Лоам шудаӧсь пыр,
Кыдзи нюмъялысь майын,
Вай жӧ мыччы мен ки,
Сё муса друг.

Тэ медся мен муса,
Тэ медся мен мича,
Тэ медся мен шоныд,
Тэ медся бур.
Кӧть кытшовта мусӧ,
Кӧть кодӧс ог видзӧд,
Мен тэ дорысь дона
Оз некод сюр.

Ӧта-мӧднымӧс ми
Коркӧ радейтны чужим.
Аттьӧ тэныд, мый эм
Да орччӧн пыр.
Ӧзъяс сьӧлӧмын би,
Видзны кӧдзыдысь кужас,
Ыджыд муслуна нэм
Мед олас дыр.

Эг нин йӧктывлӧй дыр
Коми тангосӧ тайӧс.
Вай жӧ петалам ми
Кӧть ӧти здук.
Лоам шудаӧсь пыр,
Кыдзи нюмъялысь майын,
Вай жӧ мыччы мен ки,
Сё муса друг.