СО ӦД КУТШӦМӦСЬ

Куртанінӧ нуысь туйыс
Тэкӧд менӧ ягӧ сюйис.
Юрным вӧлі пӧсь —
Со ӧд кутшӧмӧсь!

Бӧрсӧ ӧдйӧ петӧм пыдди
Курансьыным пиньсӧ лыддим.
Юрным вӧлі пӧсь —
Со ӧд кутшӧмӧсь!

Куран пиньыс ӧкмыс лоис —
Кадыс окасьыштны воис.
Юрным вӧлі пӧсь —
Со ӧд кутшӧмӧсь!

Вӧлім тэкӧд сӧмын кыкӧн,
Бура дыр ми пусӧ пыким.
Юрным вӧлі пӧсь —
Со ӧд кутшӧмӧсь!

Куртанінӧ нуысь туйыс
Тэкӧд менӧ ягӧ сюйис.
Юрным вӧлі пӧсь —
Со ӧд кутшӧмӧсь!