НЕВЕСТАПУ

Тайӧ керкаас, мичаник, мичаник,
Олӧ-майшасьӧ невестапу.
Сійӧс сюся зэв видзӧны, видзӧны,
Медым некод эз некытчӧ ну.

Мамсӧ кыдзикӧ ылӧда, ылӧда,
Чайта: пос помас ола ог дыр.
Батьыс синъяссӧ кылӧдас, кылӧдас —
Ог ӧд винатӧг керкаас пыр.

Нывсӧ нуа ме теремӧ, теремӧ,
Кӧні улӧс да пызан и эм.
Но ӧд пурта да чера ме, чера ме:
Мыйкӧ сямма на вӧчны ас нэм.

И мед Ваньӧяс чужасны, чужасны,
И мед менсьым жӧ босьтасны ру,
Корсьны керкасӧ кужасны, кужасны,
Кӧні майшасьӧ невестапу.