* * *

Тэ сиктнымӧс ӧд бура, кӧнкӧ, тӧдан?—
Туй ӧтар-мӧдар бокын керка кызь.
Но кыдзкӧ сэки воштім ӧта-мӧдӧс,
А ӧні меным тэнӧ корсьны кысь?..

Сэк, гашкӧ, турӧб синъяснымӧс тыртіс,
А гашкӧ, петіс, овлывлӧ тай, ру.
Но сідз ли тадз... Ме мӧдӧс гортӧ пырті
И сійӧс лёкӧн некор дзик ог шу.

Но век жӧ, век жӧ... Сідзи ли не сідзи,
А овлӧ кад, кор мӧвпӧ волӧ мен,
Мый эськӧ тэнӧ зэв жӧ бура видзи,
Ог тӧд, вот, менӧ радейтлін ли эн...