АСЪЯ СЬЫЛАНКЫВ

Мамӧй, муса мамӧй
Чеччыны нин корӧ.
Унмӧс вӧтлігмоз ме
Котӧртла ю дорӧ.

Мысся да мед лоа
Медся мича аньӧн,
Менӧ, сӧмын менӧ
Радейтіс мед Ваньӧ.

Мыссьӧда и сійӧс
Югыд, сӧстӧм ванас,
Медым ставсьыс мича
Лоӧ чужӧмбаныс.

Медым енэж синмыс
Нӧшта лӧзӧн лоас,
Меным сьӧлӧм вылӧ
Ещӧ ёнджык воас.

Ӧмидз кӧра васӧ
Сэсся мычча сылы,
Удал молодечӧн
Медым асьсӧ кыліс.

Зонмӧй, муса зонмӧй,
Ӧдйӧ татчӧ волы.
Войбыд синтӧ куньтӧг
Ме моз, кӧнкӧ, олін.

Лӧсьӧдчам вай сэсся
Тэкӧд тайӧ воас,
Медым ыджыд праздник
Чомӧр бӧрын лоас.

Керка джын дай тырыс
Пиянӧс тэд вая.
Мичаӧсь да ёнӧсь
Лоасны жӧ найӧ.