ПЫРТЛА ПЕССӦ, КАТЛА ВАСӦ...

Вӧлі чорыд талун асыв
Да и кӧдзыд тэнад ки.
Пыртла пессӧ, катла васӧ,
Пывсян горйӧ чутка би.

Пескӧй уна, ваыс донтӧм —
Ок и пывсян дасьта тэд!
Корӧсь діннас мыштӧ шонта,
Муртса небзьыштін кӧть мед.

Медым омӧльджыка кылін,
Кӧні дзижакылӧ блин,
Медым выль медичка вылӧ
Дугдін кӧсӧявны син.

Пельсаыслы колӧ асык,
Меным колӧ парма пи.
Пыртла пессӧ, катла васӧ,
Пывсян горйӧ чутка би.