* * *

Чужан муын гудӧкъясыс кылӧны,
Чужан муын мича нывъяс сьылӧны.
Уна дзоридз шуда войтыр ӧктасны,
Асъядорӧдз сьыласны да йӧктасны.
Мича кывъяс ӧта-мӧдлы шуасны,
Шоныд сьӧлӧм кильчӧ помӧ нуасны.
Аски бара сьыланкывйӧн петасны,
Ӧта-мӧдлы кияс бара сетасны.
Мед и водзӧ гажа рытъяс воласны,
Нывъяс-зонъяс радейтчасны-оласны.
Медым помтӧг гудӧкъясыс кыласны.
Чужан муын мича нывъяс сьыласны.