СЬӦКЫД ВО

Во колис, вывті сьӧкыд во,
Ме вывті сьӧкыд гӧрйӧн муніс.
Дзик нинӧм вежсьӧмыс эз ло,
Эз югды менлы вылӧ луныс.

Кыдз арыс вайӧ зэр да слӧт,
Сідз меным воыс лёксӧ вайис.
И, буракӧ, эз помӧдз пӧт,
Пыр менам кильчӧ вылӧ кайӧ.

Ме йӧзлы элясьны эг зіль,
Ӧд эськӧ налӧн серам петіс.
И синмӧс синваысь эг тіль,
Кӧть эськӧ сійӧ шорӧн петіс.

Тэ, сьӧлӧм, крепитчы, эн бӧрд,
Ме чайта, коркӧ югдас луныс.
Ми вуджам егыр, нюр и сьӧрт
Да дзоридз пӧвстӧ тэкӧд мунам.