СИКТСА ЗОНЪЯС СИКТСА НЫВЪЯСЛЫ

Карӧ, карӧ, карӧ
Мунӧ баба рӧд.
Сиктын коді бара
Коляс, мун дай тӧд.

Коді паськӧм вурас?
Коді лысьтас мӧс?
Коді зонкӧд дурас,
Корсяс пемыд лӧс?

Коді йӧктас-сьылас?
Коді вӧччас тан?
Коді тэнӧ кылас,
Сьӧлӧмыд кор жан?

Коді? Коді? Коді?
Оз жӧ пиньтӧм пӧч?..
Шулывласны — ёді,
Мун дай мыйкӧ вӧч...

Ог вай серам туйӧ
Тайӧс лэптӧй ми...
Сьӧкыд зыртны куйӧд,
Ёна мудзӧ ки,
Но ӧд воас бурыс,
Кокнялас жӧ удж.
Он жӧ выжыв юрӧдз
Состӧ сэсся пудж?

Нывъяс, муса нывъяс,
Сувтлӧй... Кытчӧнӧсь?
Локтӧй миян сывйӧ,
Сійӧ медся пӧсь.
.......................

Карӧ, карӧ, карӧ
Мунӧ баба рӧд.
Сиктын коді бара
Кольӧ, мун дай тӧд.