КОЗ

Тан, муяс помын, вӧлі джуджыд коз,
Ме сэтчӧ частӧ челядь дырйи кайлі
И мамлы частӧ сырсйӧм дӧрӧм вайлі,
И кӧмтӧ кисьті эг жӧ ӧти гоз.

Кыдз тупйыв варыш пукалі ме сэн.
Кор тӧла дырйи козлӧн легис йылыс,
Век лэбны дасьӧн ачымӧс ме кылі
И лэби эськӧ, борд кӧ сетіс Ен.

А ӧні тані сӧмын ыджыд мыр —
Пес вылӧ кодкӧ пӧрӧдӧма пусӧ.
И меным ӧні мырйыс весиг муса,
И тані талун пукала ме дыр.