ГӦТЫРЪЯСЛӦН КИЯС

Артистъяслысь окалам ми ки,
А гӧтыръяслысь окавлам-ӧ ми?..
Ми окавлам-ӧ налысь уджач кисӧ.
Код асывводзын ӧзтӧ пачын бисӧ;
Код чышкӧ, мыськӧ, весалӧ и пуӧ,
Код ӧтырышъя мыйкӧ вайӧ-нуӧ;
Код печкӧ, путшкӧ, кыӧ, дӧмӧ, вурӧ,
Код кужӧ кутны пила, чер и куран;
Код нывтӧ-питӧ тэнсьыд быдтӧ-удӧ,
И таысь тэныд медся ыджыд шудыс;
Код тэныд ӧдзӧс, кор кӧть локтан, восьтӧ,
Код тэнсьыд шогтӧ, инмӧдчӧ да, босьтӧ;
Код сӧмын тэнӧ меліавны кужӧ,
И быттьӧ выльысь вӧльнӧй светас чужан?..

Артисткаяслысь окалам ми ки,
А гӧтыръяслысь окавлам-ӧ ми?