* * *

Но тэд карын кӧ гажтӧм да лёк,
гортлань матӧджык, пиукӧй, лок.
Карыс бергӧдчас тэтӧг нин мед...
Локтан — миянлы кокни, и тэд.

Кӧть и кутшӧм нин ёна тан гаж.
Клубыд, тӧдан ӧд, омӧлик, важ.
Ог тӧд, том мортлы кыдзи да мый,
ме ног — буртор сэсь нинӧм он кый.

Майбыр, ӧні кӧть клубторйыс эм,
миян том дырйи эз вӧвлы нем.
Сьӧкыд, тшыг пӧра вӧліс кӧть сэк,
но вот гажӧдчим кыдзкӧ тай век.

Тэныд кар шӧрын гажтӧм да лёк,
гортлань матӧджык, кӧсъян кӧ, лок.
Но ӧд, колӧкӧ-й, татӧні тэд
кӧсъян муслуныд некор оз шед...