ВИТТОР

Висьталӧны дзик-дзик ставӧн —
юсьӧма пӧ Виктор Савин.
Веськодь сылы Коми муным —
кутӧма пӧ усьтӧдз юны.

Серавлӧны дзик-дзик ставӧн —
сюрӧма пӧ Виктор Савин.
Пуксьӧма пӧ вит во кежлӧ...
Этша на пӧ тайӧ пежлы…

Повзьӧмаӧсь дзик-дзик ставӧн —
воӧма пӧ Виктор Савин.
Кӧть и ачыс эз и волы,
воӧма пӧ сылӧн лолыс.

Воӧма пӧ сылӧн лолыс.
Пывсянын пӧ ӧтнас олӧ.
Веськодь пӧ тай Коми муным,
кутӧма пӧ бара юны.

Веськодь пӧ тай йӧзыс сылы.
Оз пӧ петав улич вылӧ.
Ӧні кӧ пӧ позис, сійӧс
лыйлі эськӧ аслам киӧн…