КОРКӦСЯ ПЕС ВӦЧӦМ
Ок, пилаӧй, мый тэкӧд лоис? Ӧд абу на дзик пиньыд ныж. Час мысти мамӧ вӧрысь воас, А пессӧ вӧчим сӧмын — гыж. Вай, зонмӧ, сюсьджыка тэ шурӧд, Ӧд абу чорыд пипу краж. Тэ ёна бӧръя кадас дуран, Дзик быттьӧ челядь, кӧть и важ. Тэ жалитышт кӧть муртса менӧ, Ӧд кокӧй кынмӧ — кӧмам розь. Вай ӧтув кӧдзыдсӧ ми венам, Мен некыдз висьмыны оз позь. Мен вала ветлыны на колӧ, А тэкӧд век на мырся со. Ми мамкӧд ӧткӧн дзик ӧд олам, Тэ тайӧс, ёртӧй, гӧгӧрво. Мам йизьӧм паськӧмӧн пыр воӧ, Пыр сёрӧн воӧ — пемдандор. Тэ думышт, кутшӧм гажа лоӧ, Кӧрт пачсӧ рытнас ломтам кор. Ми гоз-мӧд картупель сэк пуам, Ок, чӧскыд, кӧть и абу сов. Пув коръя чай на ещӧ юам, Зэв лӧсьыд сэки — ов да ов. Ок, пилаӧй, мый тэкӧд лоис? Ӧд пескыс зэв на этша со, А регыд мамӧ вӧрысь воас, Ме отсӧг сылы — гӧгӧрво.
Гижӧд
Коркӧся пес вӧчӧм
Жанр: 

lkejrlkelkrgner klrjnelknfrkl ekjnrjkenfrej

1